miércoles, 15 de mayo de 2013

Muyeres creadores nel Día de les Lletres Asturianes

El vienres 3 de mayu, coincidiendo col Día de les Lletres Asturianes, llevemos a términu nel nuestru centru un actu con una doble vertiente: d'un llau ficimos un homenaxe n'alcordanza de la escritora que la Conseyería decidió recordar esti añu, la valdesana Nené Losada. Lleéronse dos poemes de la mentada escritora pa nun nos olvidar d'ella. Per otra parte, los alumnos y les alumnes d'asturianu entamaren una entrevista a dos muyeres creadores asturianes: les cangueses Berta Piñán, escritora, y Nori Redondo, cantante de toná.